Yurgen Klopp karyerasını sonlandıracağı tarixi deyib

İngiltərənin "Liverpul" klubunun baş məşqçisi Yurgen Klopp Mersisayd klubundan ayrıldıqdan sonra karyerasını sonlandıra bilər.

"Report"a istinadən "XəbərBuro"  xəbər verir ki, o bununla bağlı "Sportbuzzer" nəşrinə açıqlamasında söyləyib.

Almaniyalı mütəxəssis vurğulayıb ki, "qırmızılar"la vidalaşdıqdan sonra 1 il istirahət edəcək: "Sonra özümə sual verəcəyəm ki, futbol üçün darıxıram, ya yox. "Yox" desəm, Yurgen Kloppun məşqçilik karyerası başa çatacaq".

 Y.Kloppun "Liverpul"la 2024-cü ilin yayına kimi müqaviləsi var. Mersisaydlılar keçən mövsüm onun  rəhbərliyi altında 30 ildən sonra İngiltərə Premyer Liqasının qalibi olub. Kloppun özü mövsümün ən yaxşı baş məşqçisi seçilib.