Türkiyədə xəstələrin sayı artır

Türkiyədə son sutkada daha 1 482 nəfərdə koronavirus aşkarlanıb və 42 nəfər ölüb.

“XəbərBuro” xəbər verir ki, bu haqda ölkənin Səhiyyə naziri Fəxrəddin Qoca söyləyib.

Ölkədə virusa yoluxanların sayı 268 546-ya, ölənlərin sayı isə 6 326-ya yüksəlib.

Son sutkada 1 027 xəstə sağalıb. İndiyə kimi sağalanların sayı 243 839 nəfərdir.   

Statistikanı açıqlayan nazir deyib ki, ölkədə ağır koronaviruslu xəstələrin sayı artmaqdadır: “Bu vəziyyət itirdiyimiz canların sayını da artırır”.