Şəhidlərimizdən birinin adı məlum olub

Bildiyimiz  kimi, bu gün Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşlərindən istifadə edərək hücuma keçməyə cəhd göstərib. Döyüş nəticəsində Azərbaycan Ordusunun hərbi qulluqçularından 2 nəfər şəhid olub, 5 nəfər isə yaralanıb.

"Qafqazinfo"ya əsasən "Xəbərburo"  xəbər verir ki, şəhidlərdən biri Sadıqov Vüqar Lətif oğludur. 1987-ci təvəllüdlü V.Sadıqov Ağstafa rayonunun Göycəli kəndində dünyaya gəlib.

Şəhid gizirimizin nəşi hələ ki, doğulduğu kəndə gətirilməyib.

Vurğulayaq ki, V.Sadıqov ailənin tək oğlu olub. Şəhidimiz ailəli olub, 3 övladı var.