Sabaha gözlənilən hava proqnozu açıqlanıb

5 avqustda ehtimal edilən hava şəraiti açıqlanıb.

"XəbərBuro" xəbər verir ki, Milli Hidrometeorologiya Xidmətindən gələn məlumata görə, Bakıda və Abşeron yarımadasında havanın dəyişkən buludlu , arabir tutulacağı, əsasən yağmursuz keçəcəyi, ancaq axşama doğru bəzi yerlərdə qısamüddətli yağış yağacağı, şimşək çaxacağı gözlənilir. Gündüz mülayim cənub küləyi əsəcək.

Havanın temperaturu  Abşeron yarımadasında gecə 21-24,  gündüz  28-32, Bakıda gecə 22-24, gündüz 29-31 dərəcə isti olacaq. Atmosfer  təzyiqi normadan aşağı 756 mm civə sütunu, nisbi rütubət gecə 65-75, gündüz 50-60 faiz təşkil edəcək.

Abşeron çimərliklərində gündüz mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24, Türkan, Hövsan, Sahil, Şıxda isə 24-25 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin Böyük və Kiçik Qafqazın bəzi yerlərində şimşək çaxacağı, arabir yağış yağacağı və dolu düşəcəyi gözlənilir. Şərq küləyi əsəcək. Havanın temperaturu  gecə 19-24, gündüz 30-35, dağlarda gecə 11-16, gündüz  20-25 dərəcə  isti olacaq.   

Tibbi-meteoroloji proqnoz

Avqustun 5-6-da Abşeron yarımadasında iqlim normasına yaxın temperatur rejimi ehtimal olunur,  bu da meteohəssas insanlar üçün əlverişlidir.