Rusiyalı müğənni vəfat etdi

Rusiyanın Əməkdar artisti, müğənni Valentina Leqkostupova 54 yaşında dünyasını dəyişib. “XəbərBuro” xəbər verir ki, bu haqda onun qızı Anetta Bril sosial şəbəkə hesabında məlumat verib.

“Bu gün saat 15:30-da dünyanın ən yaxşı anası, qızı və nənəsi olan gözəl işıqlı adam dünyadan köçdü”, - instaqramda Leqkostupovanın fotosunu paylaşan Bril yazıb.

Qeyd edək ki, avqustun 6-da qızı Leqkostupova və onun həyat yoldaşı Yuri Firsovu Narkoloji Klinikaya aparmışdı. Buna səbəb Brilin onları sərxoş vəziyyətdə mənzildə tapması olmuşdu. Avqustun 8-nə keçən gecə vəziyyəti pisləşən müğənni başqa xəstəxanaya aparılmışdı və onda kəllə-beyin zədələnməsi aşkarlanmışdı. Sənətçi komaya düşmüş, hematomun çıxarılması üçün əməliyyat keçirmişdi.

Valentina Leqkostupova – sovet-rus estrada müğənnisi, Rusiyanın Əməkdar artisti, “Yaqoda-malina” hitinin ifaçısıdır.