Rusiya XİN sərhəddəki vəziyyətə dair bəyanat verib

Məmmədzadə Zərintac 13/07/2020

Rusiya Xarici İşlər Nazirliyi 12 iyulda Ermənistan-Azərbaycan sərhədində vəziyyətin kəskinləşməsindən ciddi narahat olduğunu bildirib. 

"Xəbərburo" xəbər verir ki, bu barədə Rusiya Xarici İşlər Nazirliyinin yaydığı bəyanatda qeyd edib.

"Daxil olan məlumata görə, hərbi əməliyyatlar davam edir. Artilleriyadan istifadə olunur, ölən və yaralananlar var. Ölənlərin ailələrinə və yaxınlarına başsağlığı veririk. Bölgənin təhlükəsizliyini təhdid edən növbəti eskalasiyanın yolverilməz olduğunu düşünürük. Döyüşən tərəfləri təmkinli olmağa və atəşkəs rejiminə ciddi əməl etməyə çağırırıq. Öz növbəsində Rusiya Xarici İşlər Nazirliyi vəziyyətin stabilləşməsi üçün lazımi köməkliyi göstərməyə hazırdır",-deyə bəyanatda vurğulanıb.