Qətl törətmiş şəxs tutulub

 19 iyulda saat 23 radələrində Sumqayıt şəhəri ərazisində 1995-ci il təvəllüdlü Ramid Sevindikzadənin öldürülməsi barədə məlumat verilib.

 "Report"a əsasən "Xəbərburo" xəbər verir ki, bu haqda Sumqayıt şəhər Prokurorluğundan məlumat bildirilib.

Dərhal prokurorluq əməkdaşları məhkəmə-tibb ekspertinin iştirakı ilə hadisə yerinə və meyitə baxış keçiriblər, digər prosessual hərəkətləri yerinə yetiriblər.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb və müvafiq ekspertizalar təyin olunub.

İstintaqla 2003-cü il təvəllüdlü Fərid Əzizlinin şəxsi münasibətlər zəminində aralarında baş vermiş mübahisə vaxtı Ramid Sevindikzadəyə bıçaq zərbələri vurub onu qəsdən öldürməsinə əsaslı şübhələr müəyyənləşib.

Fərid Əzizli şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri aparılır.