Qapanma haqqında məlumatlar 10 gün sonra özünü göstərə bilər

Keçən  həftə sonu tətbiq edilən qapanma ilə əlaqədar  məlumatlar 10 gün sonra özünü göstərə bilər.

Bu barədə Nazirlər Kabineti yanında operativ qərargahın keçirdiyi mətbuat konfransında TƏBİB-in şöbə müdiri Yaqut Qarayeva bildirib. O deyib ki, gündəlik olaraq yoluxmalar barədə ictimaiyyətə məlumatlar verilir:

“Biz bu təcrübəni xarici ölkələrin təcrübələrində müşahidə etdikdən sonra tətbiq etdik. Türkiyədə bu qaydanın tətbiqindən sonra yoluxanların sayında 10 %-ə qədər azalma müşahidə edilib. Ümid edirik ki, bu rejimin tətbiqi ilə bizdə də yoluxma sayında azalmalar olacaq”.