Oqtay Şirəliyev də iş başındadır

“Səhiyyə naziri Oqtay Şirəliyevin sağlamlığında problem yoxdur. O, iş başındadır”.

“Xəbərburo” xəbər verir ki, bu sözləri Səhiyyə Nazirliyinkn aparat rəhbəri Nadir Zeynalov jurnalistin “TƏBİB-in sədri hər dəfə brifinlərə gələrək sualları cavablandırır, bəs Oqtay Şirəliyev niyə brifinqlərə qatılmır?” sualını belə cavablandırıb.

O deyib ki, nazir səhiyyə sistemində koronavirusla mübarizədə aktiv iştirak edir: “O bir neçə dəfə efirə çıxıb müsahibə verib. Səhiyyə nazirliyi ilə ictimaiyyət arasında mübadilə mövcuddur”.

Prezidentin köməkçisi Hikmət Hacıyev isə bildirib ki, dövlət strukturları əlaqələndirilmiş şəkildə fəaliyyət göstərir: " TƏBİB-lə Səhiyyə Nazirliyi arasında əmək bölgüsünə gəldikdə isə Azərbaycanda səhiyyə sistemində köklü islahatlar nəzərdə tutulurdu. İcbari tibbi sığorta tətbiq olunmalı idi. Təəssüf olsun ki, koronavirus müharibəsi başladı. Hər bir dövlət strukturu onların hamısının fəaliyyəti vahid mərkəzlə əlaqələndirilir və idarə olunur".