İtaliya şirkəti ilə Kəlbəcər, Ağdam, Füzuli və Qubadlıya elektrik çəkilişi üzrə müqavilə bağlandı

Esed Abasli 18/12/2020

Azərbaycanın “Azərenerji” ASC və İtaliyanın “Ansaldo Enerji” şirkəti arasında təchizat müqaviləsi imzalanıb.

APA-nın məlumata görə, onlayn formatda təşkil edilən imzalama mərasimində çıxış edən ASC-nin prezidenti Baba Rzayev qeyd edib ki, sənədə əsasən, Azərbaycanın işğaldan azad edilən dörd ərazisində - Kəlbəcər, Ağdam, Füzuli və Qubadlı rayonlarında inşa olunacaq 110 kilovoltluq yarımstansiyalarının elektrik avadanlıqlarının təchizatı nəzərdə tutulur.

“Ansaldo Enerji” ilə “Azərenerji” arasında imzalanmış müqavilə kommersiya münasibətləri ilə yanaşı, iki ölkə arasında siyasi, iqtisadi, o cümlədən, qeyri-neft sektorunda da öz töhfəsini vermiş olacaq”, - deyə B.Rzayev qeyd edib.