Ermənistan XİN: “Azərbaycanla sülh müqaviləsinin imzalanması hökumətin gündəliyindədir".

Esed Abasli 07/03/2022

Ermənistan hökuməti Azərbaycanla sülh sazişinin imzalanmasını prioritet məsələ hesab edir”.

Bunu “Armenpress” agentliyinə Ermənistanın Xarici İşlər Nazirliyinin mətbuat katibi Vaan Unanyan deyib.

“Ermənistan hökuməti Ermənistan üçün sülh yolu ilə inkişaf erasının açılması strategiyasını qəbul edib və təbii ki, bu istiqamətdə addımlar atmağa hazırdır. Konkret sülh müqaviləsinin imzalanmasına gəldikdə, ən yüksək səviyyədə dəfələrlə bəyan edilib ki, bu, hökumətin gündəliyinin prioritetlərindən biridir”, - XİN sözçüsü qeyd edib.