Ermənistan ordusunun bir hərbçisi ölüb, digəri yaralanıb

Bu gün saat 13:20 radələrində Ermənistan Fövqəladə Hallar Nazirliyinin xilasetmə xidmətinin 9-11 əməliyyat idarəetmə mərkəzinə məlumat daxil olub ki, Tavuş vilayətinin Berd icmasının Artsvaberd yaşayış məntəqəsinin "Taqavorants" adlanan ərazisində traktor aşıb.

XəbərBuro Ordu.az-a istinadən xəbər verir ki, sakinlər "DT-75" markalı traktordan sərnişin, 37 yaşlı Karen Babasyanı çıxarıblar və o, Berd tibb mərkəzinə yerləşdirilib.

Sürücü, 30 yaşlı Hakob Babasyanı isə traktordan xilasedicilər çıxarıblar və Berd tibb mərkəzinin təcili yardım avtomobilinə yerləşdiriblər.

Hər iki şəxs qeyd olunan tibb mərkəzinə yerləşdiriliblər. H. Babasyan tibb mərkəzində huşunu itirərək ölüb. Ölmüş şəxs və yaralı Ermənistan Müdafiə Nazirliyinin "N" saylı hərbi hissəsində xidmət edir.