Cəhbədə nələr baş verir? - Yenilənir

MN: Cəbrayıl istiqamətində ordumuz əks-hücum əməliyyatlarını uğurla davam etdirir və düşmən üzərində üstünlüyə malikdir.

Dövlər Təhlükəsizliyi Xidməti PKK terrorçularının Ermənistan tərəfdə Azərbaycana qarşı döyüşdüyünü təsdiqləyən faktlar açıqlayıb.

📃Baş Prokurorluğun açıqlamasına görə, Ermənistan-Azərbaycan arasında  vəziyyətin gərginləşməsi nəticəsində azərbaycanlılara dəyən ziyan:

- 141 nəfər dinc sakin yaralanıb
- 27 nəfər mülki vətəndaş həyatını itirib
- 63 mülki obyekt dağılıb
- 376 yaşayış evi yararsız vəziyyətə düşüb.

Ermənistanın azərbaycanlı mülki şəxslərə və mülki infrastruktura qarşı raket hücumları:

1. Gəncə: Kasetli sursatı ilə 4 + Smerç raketləri. 2-ci ən böyük şəhər.

2. Xızı və Abşeron bölgəsi: İki 300 km məsafəli orta mənzilli raket.

3. Mingəçevir: 2 raket. Su anbarı və Elektrik stansiyası

Hikmət Hacıyev

⚠️ Füzulidə partlamayan növbəti raket.

Xoşbəxtlikdən “9M528” raketi partlamayıb. “9M528” raketi səkkiz qəlpəyə parçalanır, 95 kiloqram ağırlığında partlayıcı daşıyır. Bu raket 90-120 kilometr məsafədən atılır.

🇦🇿 İşğal altında olan ərazimizdəki jurnalistlər: "Hal hazırda Azərbaycan ordusu Şuşadakı mövqeləri artilleriya atəşinə tutub»

Düşmənin məhv edilən döyüş texnikasının siyahısı

Bu gün ərzində Azərbaycan Ordusu müəyyən olunmuş istiqamətlərdə irəliləyərək yeni dayaq məntəqələrini azad etməklə ərazini düşmən qüvvələrdən təmizləyib.
Döyüşlərdə düşmənin xeyli sayda canlı qüvvəsi, hərbi və digər döyüş texnikası məhv edilib.
Sentyabrın 27-dən oktyabrın 2-si saat 20.00-dək düşmənin ümumi itkiləri aşağıdakı kimidir:
- 230-dək tank və digər zirehli texnika;
- 250 ədəd artilleriya, yaylım atəşli raket sistemləri, minaatan;
- 38 ədəd hava hücumundan müdafiə vasitələri;
- 10 komanda-idarəetmə və komanda-müşahidə məntəqəsi;
- 7 silah-sursat anbarı;
- 130-dan artıq avtomobil texnikası;
- 1 ədəd “S-300” zenit-raket kompleksi.

Keçmiş Müsavat başqanı İsa Qəmbərin rəhbərlik etdiyi Milli Strateji Düşüncə Mərkəzi: “BMT Təhlükəsizlik Şurası atəşkəsə çağırmaqla yanaşı, hətta bu çağırışdan öncə həmin 4 qətnamənin yerinə yetirilməsinə də çağırış etməlidir.

Ermənistanın bu il iyul ayında və 27 sentyabrda Azərbaycana qarşı provokasion hücumlarının və hazırda gedən hərbi qarşıdurmanın məsuliyyəti yalnız Ermənistana və onun havadarlarına deyil, həm də 26 illik atəşkəs dövründə konflikti həll etmək əvəzinə konflikti idarə etmək siyasəti yürüdən, təcavüzkar və işğalçı Ermənistanla, təcavüzə məruz qalan, torpaqları işğal edilən Azərbaycana eyni çağırışlar edən beynəlxalq qurumlara və ilk növbədə ATƏT-in Minsk qrupuna aiddir.

Hərbi əməliyyatların dayanmasının çox sadə yolu var: Ermənistan ordusunun işğal olunmuş bütün Azərbaycan torpaqlarından qeydsiz-şərtsiz çıxması! Sülhün də, əmin-amanlığın da yolu budur!”

ATƏT-in Minsk qrupu həmsədrləri Dağlıq Qarabağ münaqişəsi zonasında vəziyyətin gərginləşməsi ilə bağlı (Rusiya Federasiyasından İqor Popov, Fransadan Stefan Viskonti və ABŞ-dan Endrü Şofer) yenidən bəyanat yayıblar.

“Tərəfləri mülki əhalini qorumaq üçün beynəlxalq öhdəlikləri tam şəkildə yerinə yetirməyə çağırırıq. Mülki insanları hədəfə almaq heç bir halda məqbul sayılmır”.

Xarici İşlər Nazirliyinin həmsədrlərin bəyanatına münasibəti

“BMT Təhlükəsizlik Şurasının 1993-cü il 822, 853, 874 və 884 saylı qətnamələri başda olmaqla beynəlxalq təşkilatların qəbul etdiyi çoxsaylı qərarların Ermənistanın işğalçı qüvvələrinin Azərbaycanın işğal edilmiş bütün ərazilərindən çıxarılması ilə əlaqədar tələbləri bu günədək Ermənistan tərəfindən yerinə yetirilmir...”

Azərbaycan XİN-nin həmsədrlərin bəyanatına açıqlamasında belə deyilir.

*Oktyabrın 1-də ATƏT-in Minsk qrupunun həmsədr ölkələrinin liderləri birgə bəyanat verərək tərəfləri hərbi əməliyyatları dayandırmağa və ilkin şərt olmadan danışıqları bərpa etməyə çağırmışdı.

🇹🇷Türkiyə XİN rəhbəri Mövlut Çavuşoğlu: "Ermənilər işğal altında saxladıqları torpaqlardan çıxmayınca, erməni işğalına son qoyulmayınca münaqişənin nizamlanmasına yönəlmiş danışıqlardan söhbət belə, gedə bilməz. Əgər bu gün atəşkəs barədə anlaşma əldə olunsa belə, ermənilərin işğalına son qoyulmazsa, hərbi əməliyyatlar yenidən başlayacaq".

Bu döyüşlərdə Azərbaycana dəstəyini bildirin ölkələr

🇹🇷Türkiyə
🇵🇰Pakistan
🇮🇱İsrail
🇺🇦Ukrayna
🇦🇫Əfqanıstan
🇧🇦Bosniya və Herseqovina
🇬🇪Gürcüstan
🇨🇴Kolumbiya
🇭🇺Macarıstan
🇮🇹İtaliya

Tərtərdə cəbhədə gedən döyüşlər xeyli uzaqlaşıb. Daha dərinə irəliləyirik.

(c) Heydər Mirzə

🔥Cəbhə boyu gərgin döyüşlərdə xidmət aparan əsgərlərimizin müsahibəsi

🇦🇿"Əla ruh yüksəkliyimiz var. Döyüşçü kimi düşmənlərimizi məhv edib, torpaqlarımızı azad etmək istəyirik. "Allah Ali Baş Komandanımıza uzun ömür, can sağlığı versin. İnşallah onun səyləri nəticəsində torpaqlarımızı işğaldan azad edəcəyik", - əsgər Amil Əliyev qeyd edib.