Braziliyada pandemiyadan 265 nəfər ölüb

Braziliyada ötən sutkada yeni növ koronavirusa daha 10 284 nəfər yoluxub.

“XəbərBuro" xəbər verir ki, bu haqda ölkənin Səhiyyə Nazirliyi məlumat yayıb.

Ölkədə koronavirusa yoluxanların sayı 3 180 758 nəfərə çatıb.

Ötən sutka virusdan 265 nəfər dünyasını dəyişib və ölənlərin ümumi sayı 104 528 nəfər təşkil edir.

Ölkədə COVİD-19-a yoluxanlardan 2 309 477 nəfər sağalıb.

Braziliya dünyada koronavirusa yoluxma hallarının sayına görə yalnız ABŞ-dan geri qalır.