Bakı-Pirşağı-Sumqayıt xəttində qatarların sayı çoxaldılıb

Bakı-Pirşağı-Sumqayıt istiqaməti üzrə işləyən elektrik qatarlarının sayı artırılıb.

"XəbərBuro" xəbər verir ki,  "Azərbaycan Dəmir Yolları" QSC bu haqda məlumat verib.

Təzə tərtib olunmuş hərəkət qrafikinə bir neçə reys əlavə edilib ki, Bakıdan Sumqayıta və əks istiqamətdə sərnişin sıxlığını azaltmaq üçündür. Yeni cədvəl  10 avqustdan qüvvəyə minəcək.

Bakı-Sumqayıt avtomobil yolunun genişləndirilməsi işlərinə dair Xırdalan dairəsində yerləşən dəmir yolu körpüsünün sökülərək yenidən tikintisi səbəbindən Bakı-Xırdalan-Sumqayıt istiqamətində elektrik qatarlarının hərəkəti  10 avqustdan müvvəqəti  dayandırılır. Bu müddətdən noyabrın 10-dək Biləcəri və Xırdalan istiqamətində elektrik qatarları hərəkət etməyəcək.

Tikinti müddətində Bakı-Pirşağı-Sumqayıt-Bakı xətti üzrə elektrik qatarların yeni hərəkət qrafiki ilə aşağıdakı cədvəllərdə tanış olmaq mümkündür.

Xatırladaq ki, Nazirlər Kabinetinin qərarına əsasən, şənbə və bazar günləri ictimai nəqliyyatın hərəkətinin dayandırılması ilə əlaqədar Bakı-Sumqayıt-Bakı marşrutu üzrə işləyən elektrik qatarları avqustun 31-dək həftə sonları hərəkətdə olmayacaq. Avqustun 8-i və 9-da, 15-i və 16-da, 22-si və 23-də, 29-u və 30-da həmin istiqamətdə sərnişin daşınması həyata keçirilməyəcək.