Azərbaycanda koronavirusa 529 nəfər yoluxub və 7 nəfər ölüb

Məmmədzadə Zərintac 13/07/2020

Azərbaycanda COVID-19-a  529 yeni yoluxma var, 547 nəfər sağalıb

"Xəbərburo" xəbər verir ki, bu haqda Nazirlər Kabineti yanında Operativ Qərargah məlumat bildirib.

Qeyd olunub ki, koronavirus üçün götürülən analiz nümunələri müsbət çıxmış 7 nəfər dünyasını dəyişib.

Hazırkı dövrədək ölkəmizdə 24 570 nəfərin koronavirusa yoluxması müəyyənləşib, onlardan 15 640 nəfər müalicə olunaraq sağalıb, 313 nəfər vəfat edib, 8 617 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsinə dair 8 015 test aparılıb. Bununla da ölkədə koronavirusla bağlı aparılan testlərin sayı 576 249-a çatıb.