Avtobuslardakı sıxlıq məsələsi də müzakirə edilib

08/08/2020

"İnsanlardan xahiş edirik ki, harasa tələsmirlərsə, evdən çıxma planlarını səhər və axşam saatlarına salmasınlar".

"XəbərBuro" xəbər verir ki, bu haqda Prezidentin köməkçisi Şahmar Mövsümov söyləyib.  O deyib ki, metronun bağlı olması ictimai nəqliyyatda sıxlığa səbəb olur:

"Mümkün qədər avtobuslar cəlb edilib, qarajlarda bir dənə də avtobus qalmayıb. Yolların idarə olunması həyata keçirilir. Günün iki pik hissəsində bu sıxlıqlar olur. İnsanlardan xahiş edirik ki, harasa tələsmirlərsə, evdən çıxma planlarını səhər və axşam saatlarına salmasınlar. Yalnız avtobusların sayını artırmaqla sıxlığı aradan qaldırmaq mümkün deyil".